ट्याक्सी अथवा रेस्टुरेन्टमा टिप्स दिनु लगायत जापानमा गर्न नहुने ३० कुरा

जापान संसारकै सुरक्षित देशहरूमध्ये पर्छ। यहाँ हराएको वालेट फिर्ता पाइन्छ, बन्दुकको स्वामित्व नियन्त्रणमा छ, र सार्वजनिक स्थानहरू स्वच्छ तथा व्यवस्थित छन्। तर, यसको अर्थ जापान पूर्ण रूपमा जोखिममुक्त छ भन्ने होइन। यहाँ केही यस्ता काम छन्, जसले तपाईँलाई कानुनी, सामाजिक वा शारीरिक जोखिममा पार्न सक्छ ।

पर्यटक वा नयाँ बासिन्दाहरूले यी ३० खतरनाक व्यवहार वा गतिविधिबाट टाढा रहनु नै बुद्धिमानी हुन्छः

👉सामाजिक र सांस्कृतिक व्यवहारमा गल्तीः

१. ट्याक्सी वा रेस्टुरेन्टमा टिप्स दिनु

जापानमा टिप्स दिने चलन छैन। असहज वा अपमानजनक मानिन्छ।

२. सार्वजनिक स्थानमा होहल्ला गर्नु

ट्रेन, रेस्टुरेन्ट वा पसलमा ठूलो स्वरमा बोल्नु अशिष्ट व्यवहार हो।

३. जुत्ता नखोली भित्र पस्नु

घर, रेष्टुरेन्ट, मन्दिर वा टाटामी भएको स्थानमा जुत्ता खोल्नुपर्छ।

४. सार्वजनिक स्थानमा धूम्रपान गर्नु

स्मोकिङ जोनबाहेक धूम्रपान निषेध गरिएको हुन्छ, जरिवाना लाग्छ।

५. धार्मिक स्थल वा मन्दिरमा अनुशासनहीन व्यवहार गर्नु

फोटो खिच्नु, हाँसोठट्टा वा जोडजोडले बोल्नु गलत मानिन्छ।

६. सामाजिक संकेत नबुझ्नु (non–verbal cues)

 ‘हो’ वा ‘ना’ सिधा भन्नु जापानी संस्कार होइन, संकेत बुझ्न नसक्दा असमझदारी हुन्छ।

७. पछाडि लाइन तोड्नु

जापानमा लाइनमा बस्ने अनुशासन निकै कडाइका साथ पालना गरिन्छ।

८. फोनमा जोरले कुरा गर्नु (विशेषगरी ट्रेनमा)

ट्रेन वा सार्वजनिक स्थानमा फोनमा बोल्नु असभ्य व्यवहार मानिन्छ।

९. राति बाटोमा हाँस्दै ठूलो स्वरमा हिँड्नु

यो नशामा भएको, झगडालु वा अशिष्ट व्यवहारजस्तो देखिन्छ।

१०. रेस्टुरेन्टमा सस्तो मूल्य हेरेर भित्र पस्नु 

कतिपय ठग बारहरूले पछि हजारौं येन लिने गर्छन्।

👉 कानुनी रूपमा खतरनाक व्यवहारः

११. लागूऔषध सेवन वा बोकेर हिँड्नु

शरीरभित्र देखिए मात्र पनि पक्राउ गरिन्छ।

१२. ट्राफिक नियम उल्लङ्घन गर्नु (साइकल वा गाडी)

साइकल नशामा चलाउने वा रेडलाइट क्रस गर्ने सजाययोग्य अपराध हो।

१३. रेल ट्र्याकमा फोटो खिच्नु वा हिँड्नु

गम्भीर कानुनी अपराध, तुरुन्त पक्राउ हुनसक्छ।

१४. आपतकालीन बटन अनावश्यक दबाउनु

ट्रेन, लिफ्टमा झुक्किएर बटन थिच्दा जरिवाना वा हिरासत हुन सक्छ।

१५. कसैलाई छोएर बोलाउनु वा अंग संकेत गर्नु

यसलाई अश्लीलता वा यौन दुर्व्यवहार मान्न सकिन्छ।

१६. सडकमा शंकास्पद व्यक्तिको पछि लाग्नु

केही ‘गाइड’ ले ठगी, नशालु पेय वा अन्य अपराधमा फसाउने गर्छन्।

१७. तपाईंमाथि हमला भए पनि प्रतिकार गर्नु

जापानमा आत्मरक्षाको हद सीमित छ, तपाईं दोषी साबित हुन सक्नुहुन्छ।

१८. झगडा गर्नु, धक्का–मुक्का गर्नु

सोझै पक्राउ पर्न सक्ने, जरिवाना वा देश निकाला हुनसक्छ।

१९. न्याय प्रणाली नबुझ्नु

एकपटक पक्राउ परेपछि २३ दिनसम्म आरोप बिना थुनिन सकिन्छ।

२०. उजुरी नपर्ने सोचेर अवज्ञा गर्नु

जापानमा साना कुराहरूमा पनि स्थानीयले प्रहरी खबर गर्न सक्छन्।

👉 प्राकृतिक जोखिम र अनुशासन उल्लंघनः

२१. भूकम्पको तयारी नगर्नु

नियमित भूकम्प आउँछ; तयारी नहुँदा ज्यानमात्र होइन, अन्य व्यक्तिलाई पनि असर गर्छ।

२२. अफ–सीजनमा पर्वतारोहण गर्नु 

हिउँ, आँधी र मार्ग बन्द हुँदा उद्धारसमेत कठिन हुन्छ।

२३. जंगल वा हिमालमा ट्रेल बाहिर जानु

भालु आक्रमण, हराउने वा मृत्यु हुने घटना बढ्दै गएको छ।

२४. समुद्रमा सुरक्षित ठाउँ नहेरी पौडी खेल्नु

‘रिप करेन्ट’ ले तानेर डुब्ने घटना बारम्बार हुन्छ।

२५. ‘Haikyo’ (पुराना भवन) मा अनधिकृत प्रवेश गर्नु

कानुनी र भौतिक जोखिम दुवै रहन्छ 

२६. गर्मी महिनामा अत्यधिक समय बाहिर बस्नु

हिट स्ट्रोकका कारण हरेक वर्ष हजारौं मानिस अस्पताल पुग्छन्।

२७. बिना अनुमति ड्रोन उडाउनु

धेरै ठाउँमा अनुमति आवश्यक हुन्छ, उडाएमा जरिवाना लाग्छ।

२८. पशुपंक्षीलाई खाना खुवाउनु (विशेषगरी पार्कमा)

केही सहरमा पंक्षीलाई खाना खुवाउनु निषेध छ।

२९. फोहोर छुट्याएर नफाल्नु

जापानमा फोहोर मिलाएर नफाल्दा जरिवाना वा तिरस्कार हुन सक्छ।

३०. सार्वजनिक बाथ (onsen) मा ट्याटु देखाएर पस्नु

अधिकांश अनसेनले ट्याटु भएका व्यक्तिलाई निषेध गरेका हुन्छन् (याकुजा प्रतीक ठानिन्छ)।

यी कुराहरूको अवहेलना गर्दा असहजता, जरिवाना, पक्राउ वा दुर्घटना समेत हुन सक्छ।