प्रहरीको हत्या आरोपमा ७४ वर्षिय बृद्धालाई २० वर्षको जेल सजाय

टोकियो (क्योडो) – जापानको एक अदालतले शुक्रबार ७४ वर्षीय अति वामपन्थी कार्यकर्तालाई २० वर्षको जेल सजाय सुनाएको छ ।
सन १९७१ मा दंगाका क्रममा एक प्रहरीको हत्या लगायत अन्य आरोपमा दशकौंदेखि फरार रहेका मासाकी ओसाकालाई २० वर्षको जेल सजाय सुनाएको हो ।
टोकियो जिल्ला अदालतको निर्णय ओसाकाले सबै आरोप अस्वीकार गरेपछि आएको हो, जबकि अभियोजकहरूले आजीवन कारावासको माग गरेका थिए।
उनी भागेको ४५ वर्षपछि २०१७ मा पक्राउ परेका थिए।
उक्त निर्णयका अनुसार ओसाकाले सन् १९७१ नोभेम्बर १४ मा टोकियोको शिबुया जिल्लामा जापान-अमेरिकी सन्धिको अनुमोदनको बिरूद्ध ओकिनावामा विद्यार्थी र अन्य कार्यकर्ताहरूसँग भएको विरोध प्रदर्शनका क्रममा प्रहरीको हत्या गरेको थियो।
उनलाई अन्य तीन प्रहरी अधिकारीलाई घाइते बनाउने र प्रहरी चौकीमा आगजनी गरेको अभियोगमा पनि दोषी ठहर गरिएको छ ।